Bu gün əziz dostumuz, Azərbaycan pedaqoji universitetinin filologiya fakültəsini bitirmiş sənət və söz sərrafı, ATİA.AZ saytının "MƏDƏNİYYƏT və İNCƏSƏNƏT" bölməsinin rəhbəri, məharətli aşıq  Ceyhun Qurbansoyun dünyaya gəldiyi gündür, əziz qardaşımızı təbrik edirik.

Dədə aşıqların sənət yolunda,

Heç vaxt büdrəməsin izi Ceyhunun.

Tanrıdan verilən xoş camalı var,

Daim təbəssümlü üzü Ceyhunun..

Şirin kəlamı var, duzlu, məzəli,

Çünki Gədəbəydi ilki, əzəli,

Pərdələr üstündə gəzəndə əli,

Könüllər oxşayır sözü Ceyhunun..

Loğman belə dostu doğması sandı,

Çünki vəfalı dost damarda qandı.. 

Əyilməz vüqarı, pozulmaz andı,

Çünki əyilmədi özü Ceyhunun.