"Qazax  müəllimlər  seminariyası   təhsil  tariximizin bir başlanğıc nöqtəsidir" desək yanılmarıq.

  Yüzlərlə  ziyalı yetişdirmiş  Qazax  müəllimlər seminariyası    1918-cı ildə Qoridən  Azərbaycan Respublikasının maliyyə vəsaiti hesabına Qazax şəhərinə köçürülür və sovet hakimiyyəti qurulduqdan sonra 1940-cı illərə qədər Qazax Pedaqoji Texnikumu adı ilə fəaliyyət göstərir.  Bu tədris ocağının Qazax şəhərinə köcürülməsində görkəmli maarifçi, pedaqoq, metodist, ədəbiyyatşünas, publisist Firidun bəy Köçərlinin böyük xidmətləri olmuşdur.
Qazax Seminariyasında - Səməd Vurğun, Mehdixan Vəkilov, Osman Sarıvəlli, Mehdi Hüseyn, Seyfulla Şamilov, İsmayıl Şıxlı, Mirqasım Əfəndiyev və s.  kimi  görkəmli ziyalılar təhsil almışlar.
 
Hörmətli ziyalımız Hafiz Müəllim  bizim üçün müqqədəs olan elm təhsil ocağının yenidən işıqlanması kimi  məsuliyyətli işi öz üzərinə götürdüyü  üçün Qazaxlılar adından  dərin minnətdarlığımızı bildiririk. 
Qazax Müəllimlər Seminariyası ADA Universiteti tərəfindən bərpa edilərək yenidən öz tarixi missiyasını davam edəcək. 

ADA Universiteti ölkəmizdə yüksəkixtisaslı müəllimlər yetişdirmək səylərinə dəstək vermək məqsədilə  “Bir müəllimin manifesti”  təşəbbüsü çərçivəsində illərlə topladığı beynəlxalq qabaqcıl elmi-pedaqoji təcrübəni bölgələrdəki məktəblərlə və müəllimlərlə bölüşəcək.

Universitetin müəllimləri yerlərdə məktəblərlə işləyib, buradakı aparıcı müəllimləri seçib ixtisasartırma üçün ADA-ya gətirəcək. Həmin müəllimlərin bir qismi ABŞ paytaxtı Vaşinqtonda yerləşən ADA Universitetində təhsil ala biləcəklər. Məqsəd nümunəvi təcrübələri yaymaq, peşəkar müəllimlər yetişdirmək, vətəndaşlıq və sosial məsuliyyət hissini daha dərindən aşılamaqdır.
Biz Qazaxlılar bir daha Bu gözəl təşəbbüsü alqışlayır,  bu işdə başda Hafiz Paşayev  olmaqla, əməyi  keçən   hər kəsə  öz dərin  təşəkkür və minnətdarlığımızı  bildirirk.

               Orxan Səfərli