Sentyabrın 1-də Milli Məclisə seçkilər keçirilib. Mərkəzi Seçki Komissiyası (MSK) artıq ilkin nəticələri açıqlayıb və seçki dairələri üzrə lider namizədlər məlumdur. Mandat qazanan deputatlar arasında adları eyni olanlara da rast gəlinir.
 
Milli Məclisin yeni deputatları arasında  Azər və Əli adları çoxluq təşkil edir. Belə ki, VII çağırışda 4 nəfərin adı "Azər" (Azər Allahverənov, Azər Badamov, Azər Əmiraslanov və Azər Kərimli), 3 nəfər adı isə "Əli"dir. (Əli Hüseynli, Əli Əhmədov, Əli Məsimli).

Həmçinin Tahir, Aydın, Müşfiq, Anar, Elman, Cavanşir, Vüqar və Eldar adlarına sahib 2 deputat var. Qadınlardan isə Səbinə, Sevinc, Günay, Nigar adlarına təkrar rast gəlmək mümkündür.