Avqustun 1-dən Gürcüstanda xarici agentlər haqqında qanun qüvvəyə minib.
Bu barədə Gürcüstan mətbuatı məlumat yayıb.
Qeyd olunur ki, “Xarici təsirin şəffaflığı haqqında” Qanun gəlirlərinin 20 faizindən çoxunu xaricdən əldə edən qeyri-hökumət təşkilatlarını və KİV-ləri Milli Dövlət Reyestri Agentliyində qeydiyyatdan keçirməyə məcbur edir.
Xarici dövlətin maraqlarını həyata keçirən təşkilat kimi qeydiyyatdan yayınmaq 25 min lari (doqquz min dollardan çox) məbləğində cərimə ilə nəticələnir.
Qeyd edək ki, bu qanuna görə Gürcüstanda uzun müddət etiraz aksiyaları keçirilib.