27 sentyabr 2023-cü ildə Balakən rayon Katex kənd M.Şabanov adına 3 saylı tam orta məktəbdə 44 günlük Vətən müharibəsi qəhrəmanlarının anım günü keçirilmişdir. Tədbirdə məktəb rəhbərliyi, müəllimlər , şagirdlər iştirak etmiş, şəhid Yusif Təmirovun atası Azər Təmirov, həmçinin Balakən şəhidlərinə həsr olunan "Sizə bir ömür borcluyuq"  adlı kitabın müəllifləri - Nəfisət Vahid, Şöyüb Mikayılov qonaq qismində dəvət olunmuşdur.  İlk öncə himn və şəhidlərin ruhuna sükut ilə tədbiri başladan və sonra  giriş sözü ilə açan məktəbin təşkilati işlər üzrə direktor müavini Zülfisiya Mikayılova çıxışında qonaqları salamlamış, şəhidlərin ölməz olduğunu vurğulamışdır. Məktəbin tarix müəllimi Gülbəniz Mehdiyeva öz çıxışında dəqiq faktlar üzərində məlumatlar verərək ermənilərin işğalçı hərəkətlərini diqqətə çatdırmış, Azərbaycanın öz tarixi torpaqları uğrunda haqq mübarizəsində mütləq qalib olduğunu,  vətən üçün canını verən şəhidlərin müharibədə əvəzsiz rolunu fəxrlə qeyd etmişdir.  Məktəb şagirdləri də şeir və kompozisiya ilə çıxış etmişlər. Tədbirdə iştirak edən, şəhidlərdən bəhs edilən  kitabın müəllifi N.Vahid kitabı ərsəyə gətirdiyi üçün qürur hissi duyduğunu, amma şəhid ailələri ilə görüşərkən xeyli mənəvi əzab yaşadığını söyləmişdir. Həmmüəllif Ş.Mikayılov da bu kitabın şəhidlərə həsr etdiyi 3-cü kitab olduğunu qeyd etmiş, şagirdləri şəhidləri daim yaşatmağa, unutmamağa çağırmışdır. Tədbir qalib ölkənin məktəbi olaraq nikbin ruh ilə davam etmiş, sonda xatirə şəkilləri ilə yekunlaşmışdır. Tədbirdən fotoları təqdim edirik.