Bu barədə Portuqaliyanın ədliyyə polisi "Facebook"da məlumat yayıb.

      Gəmi Azor adalarından təxminən 500 dəniz mili (təxminən 926 km) aralıda tutulub. Onun göyərtəsində beynəlxalq cinayətkar qruplaşmaya aid olan beş ekipaj üzvü olub. Onların saxlanılması əməliyyatında Portuqaliya Hərbi Dəniz Qüvvələri və Hərbi Hava Qüvvələri ilə yanaşı, ABŞ Narkotiklərlə Mübarizə İdarəsi, Böyük Britaniyanın Milli Cinayət Agentliyi və İspaniya Mülki Qvardiyası da iştirak edib. "Nautilus” adlanan əməliyyatın dəqiq tarixi açıqlanmayıb.

       "CBS News" qeyd edir ki, gəmidə tapılan qadağan olunmuş maddənin miqdarı bütün 2024-cü ildə Portuqaliyada ələ keçirilən rekord - 23 tonun narkotin təxminən 1/4-ni təşkil edir. Portuqaliyaya qaçaqmalçılıq yolu ilə gətirilən kokainin böyük hissəsi dəniz yolu ilə Latın Amerikasından gəlir. Qaçaqmalçıların istifadə etdiyi "narko-sualtı qayıqlar” tam mənada sualtı qayıqlar deyil, çünki onlar tam batmır və sudan bir qədər yuxarı qalxır.

     2024-cü ilin noyabrında Kolumbiya polisi 61 ölkədən olan həmkarları ilə birlikdə "Orion” kod adlı narkotik vasitələrin qanunsuz dövriyyəsi ilə mübarizə üzrə genişmiqyaslı əməliyyat keçirib. Altı həftə ərzində rekord həddə - 225 ton kokain müsadirə edilib (2022-ci ildə Kolumbiyada 671 ton narkotik müsadirə edilib). Ümumilikdə 1,4 min ton narkotik vasitə, o cümlədən 1 min tona yaxın marixuana müsadirə edilib. Onların ümumi dəyəri 8,5 milyard dollardır. 400-dən çox adam həbs edilib.