“Heydər Əliyev ili” cərçivəsndə, əziz bayramımız olan Novruz bayramı  ərəfəsində 16 mart  2023-cü il tarixdə YAP Qazax rayon təşkilatı Suvarma Sistemləri İdarəsi ərazi partiya  təşkilatında “Ümummilli Lider Heydər Əliyevin meliorasiya və su təsərrüfatının inkişafında müstəsna xidmətləri” mövzusunda tədbir keçirildi. 
     Tədbir Ulu Öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin  əziz xatirəsinin bir dəqiqəlik sükutla yad edilməsi ilə başlandı.
   YAP Qazax rayon təşkilatının sədri Anar Nəbiyev  çıxış edərək,   2023-cü ilin “Heydər Əliyev ili” elan olunduğunu, bu məqsədlə xüsusi tədbirlər planının hazırlandığını, təqvim planına uyğun olaraq ilboyu silsilə tədbirlərin keçiriləcəyini bildirdi. A.Nəbiyev Ümummilli Lider Heydər Əliyevin tarixi xidmətlərindən  ətraflı danışdı. Qeyd etdi ki, Ulu Öndər Heydər Əliyev Azərbaycanın kənd təsərrüfatının inkişafında böyük əhəmiyyət kəsb edən meliorasiya və su təsərrüfatı sisteminin yaradıcısı, müəllifi və təşkilatçısıdır. Ulu Öndərimizin hakimiyyətə gəldiyi vaxtdan Azərbaycanın kənd təsərrüfatında, sənayesində, ümumiyyətlə, xalq təsərrüfatının bütün sahələrində xüsusi canlanma başlandı. Kənd təsərrüfatının inkişaf etdirilməsi haqqında bir neçə tarixi qərarlar qəbul olundu. Bu qərarların qəbul edilməsi yalnız Heydər Əliyevin qətiyyəti, uzaqgörənliyi, dahiliyi və bilavasitə, nüfuzunun nəticəsi idi. Meliorasiya və su təsərrüfatının respublikamızın iqtisadiyyatının, xüsusi ilə də kənd təsərrüfatının inkişafında mühüm rolu olmasını ilk gündən böyük uzaqgörənliklə müəyyən edən Dahi Rəhbər Heydər Əliyev bu sahəyə əsaslı vəsait yatırılmasını ittifaq hökuməti qarşısında bir vəzifə kimi qoydu və bu sahədə möhtəşəm işlərin görülməsinə nail oldu.
     Tədbirdə Suvarma Sistemləri  İdarəsinin rəisi Məhəd Vəkilov, ərazi partiya təşkilatının sədri Müslüm Məmmədov, partiya fəallarından Asım Osmanov, Gülnarə Carçalova çıxış edərək Ulu Öndər Heydər Əliyevin  meliorasiya və su təsərrüfatının  inkişafında   müstəsna xidmətlərindən ətraflı danışdılar. Natiqlər bütün sahələrdə olduğu kimi meliorasiya və su təsərrüfatı sahəsində də  Ümummilli Lider Heydər Əliyev siyasətinin bu gün Möhtərəm Prezidentimiz İlham Əliyev cənabları tərəfindən əzmlə davam etdirildiyini xüsusi  vurğuladılar.
    Sonra   Partiya sıralarına yeni qəbul olunmuş bir qrup şəxsə partiya üzvlük vəsiqələri təqdim edildi.
    Tədbiri YAP Qazax rayon təşkilatının sədri Anar Nəbiyev  yekunlaşdırdı və Novruz bayramı münasibətilə təbriklərini çatdırdı.