2023-cü il “Heydər Əliyev İli” ilə əlaqədar YAP Qazax rayon təşkilatı Qazax Gənclər İdman İdarəsi ilə birgə 2 fevral - Gənclər Gününə həsr olunmuş “Azərbaycan Gəncliyi Ulu Heydər Əliyev ideyalarına həmişə sadiqdir” mövzusunda geniş tədbir keçirmişdir.
   Tədbirdən əvvəl Ümummilli Lider Heydər Əliyevin büstü tədbir iştirakçıları tərəfindən ziyarət olunmuş və önünə tər çiçəklər düzülmüşdür.
Tədbir YAP Qazax rayon təşkilatının inzibati binasında  Ulu Öndərin və şəhidlərin əziz xatirəsinin bir dəqiqəlik sükutla yad edilməsi ilə başlanmışdır. Gündəlikdə duran məsələ ilə əlaqədar YAP Qazax rayon təşkilatının sədri Anar Nəbiyev geniş məruzə ilə çıxış etmişdir. Natiq qeyd etmişdir ki, məhz, Ümummilli Liderimiz Heydər Əliyevin 1993-cü ildə yenidən ölkə rəhbərliyinə qayıdışından sonra Azərbaycan Gəncliyinin həyatında yeni bir dövr başlandı. Gənclərlə iş dövlət səviyyəsinə qaldırıldı.Onların mənəvi tərbiyəsi ön plana çəkildi, gənclərlə dönə - dönə görüşlər keçirildi və bu sahədə böyük tarixi əhəmiyyətə malik fərman və sərəncamlar imzalandı. 
   Rayon təşkilatının sədri 1994-cü ildə Gənclər və İdman Nazirliyinin yaradılması, fevralın 2-si tarixinin Gənclər Günü elan olunması, gənclərin forumlarının keçirilməsi və s. barəsində ətraflı danışaraq, bu gün bu siyastin Möhtərəm Prezidentimiz İlham Əliyev cənabları tərəfindən uğurla davam etdirilməsindən də bəhs etdi.
    A.Nəbiyev çıxışı zamanı Azərbaycan gəncliyinin istər hərbi, istər idman, istərsə də digər sahələrdə əldə etdiyi uğurlara da toxundu.
Tədbirdə Qazax Gənclər İdman İdarəsinin rəisi Vüqar Nəbiyev, ərazi partiya təşkilatının sədri Aynurə Abbasova, ərazi partiya təşkilatının sədr müavinlərindən Şəhadət Abbasov, Elvira Cəlilova ətraflı çıxış etdilər. Natiqlər əsası Ümummilli Lider Heydər Əliyev tərəfindən qoyulan, bu gün Möhtərəm Prezidentimiz İlham Əliyev cənabları tərəfindən əzmlə davam etdirilən Gənclər siyasəti nəticəsində Azərbaycan Gəncliyinin qazandığı uğurlardan, Möhtəşəm Qələbələrdən, əldə etdiyi nailiyyətlərdən ətraflı bəhs etdilər.
   Tədbirin sonunda Partiya sıralarına yeni qəbul olunmuş bir qrup gəncə   partiya üzvlük vəsiqələri təqdim edildi.
   2023-cü il “Heydər Əliyev İli” çərçivəsində sosial şəbəkələrdə fəallıq göstərən partiya üzvləri Fəxri Fərmanlarla təltif olundu.


ATİA.AZ, QAZAX