Qazax rayon Daş Salahlı kənd sakini Eyvazov Tural Göycə oğlu redaksiyamıza müraciət ünvanlayıb. 

Müraciəti olduğu kimi dərc edirik:
" Hörmətli ATİA.AZ saytı,
  Babam  Haqverdi Ağa Qazax rayonu  Daş Salahlı kəndinin  səxavətli  insanlarından biri olub. Xeyriyyə məqsədi ilə rayonun Daş Salahlı kəndində "Qara Su"  çayının üzərində tikdirdiyi körpü bu gün də istifadə olunur.

Qədim keçmimizə  yol salan bu memarlıq abidəsi 1876-cı ildə tikilib insanların istifadəsinə verilib. 
Cox təssüflər olsun ki, baxımsızlıqdan bu gün yararsız hala düşüb. Körpünün  təmirə ehtiyacı var.
Nə gedən var, nə gələn, nə də ki, maraqlanıb baxan....

Bu barədə dəfələrlə aidiyyatı qurumlara müraciət ünvanlamışam. Təssüflər olsun ki, etdiyim  müraciətlərə baxan yoxdur. 
Sizdən cox xahiş edirəm ki, mənim bu müraciətimi Möhtərəm Prezidentimiz, Ali Baş Komandan  İlham Əliyev Cənablarına catdırasınız. 
Babamın yadigarı olan, ən əsası qədim tarıxi abidəmiz olan bu körpü baxımsızlıqdan yaddaşlardan silinməsin. 

 Hörmətlə:  Eyvazov Tural Göycə oğlu."
 

Saytımıza daxil olan bu müraciətlə bağlı  Qazax rayon "Avey Dövlət  Tarixi- Mədəniyyət Qoruğu"nun rəhbəri Səadət xanım Əliyeva ilə əlaqə saxladıq. Səadət xanım bizə bildirdi ki, "Ümumiyyətlə qoruğun təmir-bərpa işləri üçün bizim idarəyə pul ayrılmır. Qoruğun təmir-bərpa işlərinə  biz baxmırıq. Bu  işlərə baxan birbaşa nazirlikdir. Bu məsələ ilə bağlı bir il bundan öncə  nazirliyə müraciət göndərmişik, amma nazirlikdən bizə hec bir cavab  gəlməyib". 



Nəzərinizə onu  da çatdırım ki,  Eyvazov Tural Göycə oğlu Şəhid ailəsidir.

ATİA.AZ saytı olaraq biz də inanırıq ki, Eyvazov Tural Göycə oglunun redaksiyamıza ünvanladığı müraciət aidiyyatı qurumlar tərəfindən araşdırılacaq və öz müsbət həllini tapacaqdır.