Bu kadrlar Binəqədi rayonunda "SÖYÜDLƏR" deyilən ərazidə (Respublika Dövlət Yol Polisinin yaxınlığı) çəkilib.
Belə ki, şəhərin gediş-gəliş çox olan yerində, yol kənarında zibil və tullantılar “göz oxşayır”.
Bu cür mənzərə şəhərimizin gözəlliyini pozur. Yaydı, şəhərə turistlərin gəlişi çoxalıb. Mərkəzi küçənin bu vəziyyətdə olması heç kimə baş ucalığı vermir.

    "Xahiş edirik aidiyyəti qurumlardan zibili yığışdırsınlar və bu hərəkətə yol verənlərə yüksək cərimələr tətbiq etsinlər” - deyə  əraziyə yaxın olan sakinlər öz müraciətlərində bildiriblər.

 İnanırıq ki, Binəqədi RİH məsələni diqqətində saxlayıb, aidiyyəti qurumlara lazımi göstərişlər verəcək.