Saleh Məmmədov deyir ki, güc nazirləri mənim qohumumdur, kimsə məni tuta bilməz..

Yol təkcə kommunikasiya deyil, həm də mədəniyyətdir. 
Ona görə  də atalar deyib ki, abad kənd yolundan bəllidir. 
Görəsən, bizdə də belədirmi ? 
Yollarımız abad kənddən xəbər verirmi ? 
Min təəssüf ki, belə deyil. 
Yollarımız yamağı, çatlağı, bərbad gündə olmağı, ildə ən azı 2-3 dəfə sökülüb təzədən inşa edilməyi ilə “ad-san”  çıxarıb. 
Bəli, dünyada analoqu olmayan haldır ki, dövlətin milyonlar sərf edib çəkdiyi təptəzə yollar “qırxı çıxmamış”  çökür. 
Amma soruşan olmur ki,bu yola  sərf olunmuş milyonlarla dövlət vəsaiti hara getdi ?
Axı, təzə çəkilmiş yol  1-2 ay sonra necə çökə bilər ? 
Yeri gəlmişkən, Gənclik metrosu  yaxınlığındakı yeraltı keçidin 500 milyona başa gəlməsi barədə az qala dünya mətbuatı yazdı. Amma sabiq nazir Ziya Məmmədov susmağında davam elədi. 
Yol mühəndisləri bilir ki, yolun inşası zamanı sadəcə, torpağın üstünü qırlamaq, mazutlamaqla iş bitmir.  
Bizdə yola ayrılan milyonları mənimsəyib, torpağın üstünü qırlamaqla işi bitmiş hesab edirlər. Ona görə də yollarımız  nəinki dünya standartına, heç adi normalara cavab vermir.  
Təsəvvür edirsiniz, dünyanın bütün ölkələrində, qonşu Rusiyada  yolun şüşə qatı deyilən çox vacib hissəsi var. O qat olmasa bir az yağış yağan kimi yol sıradan çıxır. 
Görəsən, Azəravtoyol-un rəhbərliyindən niyə soruşan yoxdur ki, bu çox vacib olan şüşə qatı bizim yollarımızda niyə yoxdur ? 
Bəs onun üçün ayrılan pullar hara gedib ? 
Biz bunun hesabatını cavabdeh Saleh Məmmədovdan tələb edəcəyik. Bütün bunlara görə Saleh Məmmədov məsuliyyət daşıyır. 
Bəli, təkcə buna görə deyil, Quba beton yolunun, Sumqayıt yolunun və digər yolların sıradan çıxmasına görə, Azəravtoyolun rəhbərliyi bir gün cavab verməli olacaq. 
Bizim məqsədimiz kimisə, o cümlədən Azəravtoyol-un rəhbərliyini ittiiham etmək deyil. İstədiyimiz odur ki, bizim yollar da Avropadakı kimi keyfiyyətli və rahat olsun. 
Çünki bunun üçün dövlətimiz lazım olandan daha çox vəsait ayırır. 
Bəs onda ayrılan milyonlar hara gedir ? 
Hara gedəcək ? 
Qurumun sədri Saleh Məmmədov qudaları Əflatunu və Müseyibi başına yığıb bu milyonları mənimsəyirlər. 
Söhbət qurumun Maliyyə İdarəsinin rəisi Müseyib Həmzəyevdən və Avtomobil Yollarının Təmiri və İstismarı  İdarəsinin rəisi Əflatun Qasımovdan gedir. 
Bəli, Əflatun Qasımov qurumun canı olan maliyyə məsələlərinə baxır, bütün maxinasiyaları  o həyata keçirir. 
Bəs o biri quda, Müseyib Həmzəyev nə edir ?
O da keyfiyyətsiz, heç bir standarta uyğun gəlməyən avtomobil yollarını İSTİSMARA qəbul edir. Və Allah qoymasa, qısa vaxtdan sonra yol çökür, Müseyib indi də TƏMİR üçün dövlətdən milyonlar tələb edir. 
Beləcə, qudalar  yolların hesabına villalar tikirlər. 
Adamın ağlına qəfil sual gəlir ki, görəsən, bu Saleh Məmmədovun qorxusu-hürküsü yoxdur ? 
Saleh Məmmədov harada gəldi deyir ki, hüquq-mühafizə orqanları, güc nazirləri mənim qohumlarımdır, kimsə mənə toxuna bilməz. 
Bu adamdan soruşan lazımdır ki, bu qədər villanı neynirsən ?
Yeri gəlmişkən, Saleh Məmmədova öz villaları bəs etməyib, hələ üstəlik bu yaxınlarda sabiq nazir Ziya Məmmədovun da villasını alıb. 
Deməli, bu adamın pulu Ziyanın pulundan neçə dəfə çoxdursa, hətta “baron Ziya”nın mülkünü də ala bilir. 
Görəsən, bu boyda milyonlar, əmlak, mülklər, villalar olduğu halda bu qoca yaşında Saleh Məmmədov niyə kreslodan əl çəkmir ? 
Niyə gedib nəvələri ilə istirahət eləmir ?
Vallah, deyəsən bu qoca yaşında Saleh müəllim  pensioner-deputat da olmaq istəyir. 
Saleh Məmmədovun  nəfsi bitib-tükənmək bilmir. 
O, Qubada  qudası Rauf Vəliyevə ( Azərbaycan Xəzər Dəniz Gəmiçiliyi  Qapalı Səhmdar Cəmiyyətinin sədri ) də öz villasının yanında villa ucaldıb. Yerli camaat  qudaların qoşa villaları deyir. Bu qoşa villaların çəpərləri də adama maraqlı gəlir. Deməli, Saleh Məmmədov yol və körpü kənarları üçün nəzərdə  tutulan materiallar ilə öz villasını çəpərləyib. Elə bil Amerikadakı  ekiz binalardır. 
Yeri gəlmişkən, Saleh Məmmədov öz qohumlarına çox yanımcıldır. Bircə dəfə də onların tenderlətini geri, boş qaytarmaz. Həmişə tenderləri ya qudaları, ya da onların dost-tanışları udmalıdır.  
gündəlik bakı