“Rusiyalı hərbçilər Kursk vilayətində təqribən 10 yaşayış məntəqəsini azad edib”. TASS-a istinadən xəbər verilir ki, bu barədə məlumatı Rusiya Silahlı Qüvvələrinin Baş Hərbi-Siyasi idarəsinin rəisinin müavini, “Axmat” xüsusi təyinatlılarının komandiri Aptı Alaudinov açıqlayıb. O, sözügedən istiqamətdə vəziyyətin yaxşı olduğunu qeyd edib. 

Xatırladaq ki, Ukrayna ordusu avqustun əvvəlində Rusiyanın Kursk vilayəti istiqamətində əməliyyat keçirib. Nəticədə Ukrayna Silahlı Qüvvələri çox sayda yaşayış məntəqəsinə nəzarəti ələ keçirib.