Ötən sutka ərzində Tayvanda azı 218 zəlzələ və afterşok qeydə alınıb. TASS xəbər verir ki, bu barədə məlumatı adanın Mərkəzi Meteorologiya İdarəsi yayıb.

Məlumata görə, Tayvanda hər saat bir neçə zəlzələ baş verir. Hələ ki hər hansı dağıntı barədə məlumat daxil olmayıb. İdarə qeyd edib ki, bu zəlzələlər arasında iki ən güclü yeraltı təkan 6,0 və 6,2 maqnitudalı olub.

Bildirilir ki, son sutka ərzində baş verən zəlzələlər aprelin 3-ü qeydə alınan güclü zəlzələnin nəticəsidir.

Xatırladaq ki, aprelin 3-ü Tayvanda 7,2 maqnitudalı güclü zəlzələ baş verib. Bu, ada tarixində son 25 ildə qeydə alınan ən güclü yeraltı təkan olub. Təbii fəlakət nəticəsində 16 nəfər həlak olub, daha 1115 nəfər isə yaralanıb.