ABŞ Milli Aeronavtika və Kosmik Tədqiqatlar İdarəsinin (NASA) alimləri müəyyən ediblər ki, Mars dərhal susuzlaşmayıb. Planetdə zamanla rütubət və quraqlıq dövrləri bir-birini əvəz edib. Bu barədə Kosmik Agentliyin rəsmi saytında məlumat verilib.
   Tədqiqatçıların qənaətləri “Curiosity” roverinin əldə etdiyi yeni məlumatlara əsaslanır. Qurğunun süxurların tərkibi haqqında ötürdüyü məlumatda suyun buxarlanması zamanı tez-tez əmələ gələn sulfatlarla, duzlu minerallarla zəngin təbəqə aşkarlanıb. Bu isə o deməkdir ki, Marsın bu bölgəsini bir neçə dəfə su basıb.