27 avqust 2022-ci il tarixdə YAP Qazax rayon təşkilatı Aparatının işçiləri, şəhidin valideyinləri, qohumları və partiya fəalları tərəfindən İkinci Qarabağ müharibəsi şəhidi gizir Şükürov İlkin Aslan oğlunun doğum günündə əziz xatirəsi ehtiramla yad edildi.
      Mərasim iştirakçıları Qazax rayonunun Ürkməzli kənd qəbiristanlığında uyuyan şəhidimizin məzarını ziyarət edərək qəbri üstünə qərənfillər düzdülər və ruhuna dualar oxudular.
      YAP Qazax rayon təşkilatının sədri Anar Nəbiyev şəhdimizin məzarı önündə çıxış edərək bildirdi ki, Ali Baş Komandan cənab İlham Əliyevin rəhbərliyi altında Müzəffər Azərbaycan Ordusu 44 gün ərzində xalqımıza möhtəşəm qələbə sevinci bəxhş etmişdir. Qeyd etdi ki, şəhidlərimizin qisası artıqlaması ilə alındı. Bu günlərdə yəni avqustun 26-da azərbaycanlılar Laçın şəhərinə qayıtdı. Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü. Bu Azərbaycan xalqının növbəti uğurudur. İndi bütün şəhidlərimizin, o cümlədən İlkin Şükürovun da ruhu şaddır. A.Nəbiyev İlkin Şükürovun  şərəfli bir döyüş yolundan danışdı və bildirdi ki, İlkin Şükürov göstərdiyi igidliyə və şücaətə görə "Vətən uğrunda", “Füzulinin azad olunmasına görə”, “Cəsur döyüşçü” medalları və III dərəcəli “Rəşadət” ordeni ilə təltif olunmuşdur. Xalqımız müqəddəs şəhidlərimizin əziz xatirəsini heç zaman unutmayacaqdır.