Xırdalanda səkilər sahibkarlar tərəfindən tutulub. 
Bu barədə məlumat sosial şəbəkələrdə də paylaşılıb. Söhbət Abşeron rayonu, Xırdalan şəhərinin mərkəzi küçələrindən biri olan Heydər Əliyev prospektindən gedir.
Vətəndaşlar iddia edirlər ki, sözügedən ünvanda, köhnə bazar ərazisi, 30-cu məhəllə yaxınlığında yol kənarındakı mağazaların sahibləri piyada səkilərini zəbt edib:
“Piyadalar ərazidən keçməkdə çətinlik çəkir. Məsələ ilə bağlı aidiyyəti qurumlara müraciət olunsa da, heç bir tədbir görülmür”.