"Geyimini təmiz saxla!

               Pis şeyləri tərk et!" (Müddəssir surəsi 4-5)

               "Allah təmizlənənləri sevir." (Tövbə surəsi 108)

     Bu foto Məkkədəndir. Adamlar Allahın yüzlərlə ayəsini inkar edərək bir ayəsini icra etməyə gediblər guya. Keçi yerdə yatarkən ayağı ilə yatacağı yeri təmizləyir. Quşlar, heyvanlar yuvalarını təmiz saxlayırlar ki, həşəratlar yığışmasın.

     Ancaq bu mənzərədəki görkəmi siz heç bir heyvanın yuvasında müşahidə etməzsiniz. Yəni bu hərəkətə vəhşilik deməyə də dilim gəlmir ki, vəhşi heyvanlardan həya edirəm. Dili olsa qayıdıb deyər ki, biz haçan yuvamızı belə saxlamışıq ki, bizə bənzədirsən bu adamları?

    İlk görünüşdən bu nəticəyə gəlmək olar ki, bu adamların əsla İslamdan, Qurandan xəbərləri yoxdur. Onları orada bu şəraitdə saxlayan, etiraz etməyənlərin də həmçinin. Buna İslamdan əvvəlki cahiliyyə dövrü demək olar. İslam qədər təmizliyə önəm verən ikinci din yoxdur. Qüsl, dəstəmaz, təyəmmüm kimi təmizlənmə növləri hətta Quranda əmr olunur. Hətta təmizlənərkən hansı əzanın hansından əvvəl yuyulmasına kimi xırdalanır. Yola düşmüş bir daşı kənara atmaq ən böyük sədəqədir. Evinizi, yolunuzu, geyiminizi, məscidinizi təmiz saxlayın ki, ruzi çəkilməsin deyən Peyğəmbərin ümmətinə baxın indi. Quranda deyildiyi kimi demək belələri sadəcə İslamı qəbul ediblər, iman gətirməyiblər.