Sabunçu rayonu 2-ci Zabrat qəsəbəsində boru dolduğundan kanalizasiyadakı çirkab küçəyə axır. Turgenev küçəsində yaşayan sakinlər iddia edirlər ki, bir neçə aydır küçədəki əsas boru dolduğu üçün kanalizasiya suyu küçəyə axır. Bu da sakinləri çıxılmaz vəziyyətdə qoyub.

Sakinlər dəfələrlə aidiyyəti qurumlara məlumat verdiklərini bildiriblər. Hətta tutulan borunun açılması üçün müəyyən işlər də görülür.

Məsələ ilə bağlı “Azərsu” ASC-nin mətbuat katibi Anar Cəbrayıllı bildirib ki, sözügedən küçədə iri kanalizasiya xəttində tutulma baş verib.