Müəllimlərin işə qəbulu üzrə müsabiqənin test imtahanı mərhələsi başa çatıb. Ümumilikdə 7 iş günündə keçirilən imtahanlarda 44 363 nəfər namizəd iştirak edib.
 
Təhsil Nazirliyindən  verilən  məlumata görə, test imtahanları Bakı, Gəncə, Ağcabədi, Lənkəran, Şamaxı, Mingəçevir, Salyan, Sumqayıt, Xaçmaz və Yevlaxda yaradılmış 15 imtahan mərkəzində təşkil olunub.
Bu mərhələdə iştirak edən namizədlərdən 11 nəfərin nəticəsi imtahan qaydalarını pozduğu üçün ləğv edilib.
Növbəti mərhələdə namizədlərin vakansiya seçimi və müsahibə prosesi həyata keçiriləcək.
Bütün iştirakçılara müsabiqənin növbəti mərhələlərində uğurlar arzulayırıq!

 Manset.az