“Yeni ştam dünyada bütün qitələrdə görünməyə başlayıb. Bizə də gələcək və ondan qaçış yolu yoxdur”.
Atia.az xəbər verir ki, bu barədə Nazirlər Kabineti yanında Operativ Qərargahın üzvü, Milli Məclisin Səhiyyə komitəsinin sədr müavini Rəşad Mahmudov “ARB24″də yayımlanan “Nə baş verir?” verilişində danışıb.
“Yəqin ki, əlimizdə bəzi Avropa ölkələri və digərlərinin məlumatları olacaq. Buna uyğun şəkildə də ölkədə tədbirlər görüləcək. Ola bilər ki, ölkədə koronavirusla bağlı bəzi yumşalmalar sərtləşdirilsin. İndidən nəsə bir söz demək çətindir. Bunu zaman göstərəcək.

Qarşıdakı günlərdə biz ehtimal olunan dalğa ilə qarşılaşa bilərik. Buna görə cəmiyyət buna hazır olmalı, peyvənd olunmayanlar vurdurmalıdır”.