Yazıçı, publisist, media üzrə ekspert Natəvan Dəmirçioğluna yeni vəzifə verilib. Xanım yazıçı Beynəlxalq Radionun direktor müavini təyin edilib.
    Natəvan Mansurova-Atamoğlanova Azərbaycan Televiziya və Radio Verlişləri Komitəsində kiçik redaktor, redaktor, böyük redaktor, şöbə müdiri kimi fəaliyyət göstərib. İxtisaslı, professional radiojurnalistdir, eyni zamanda tanınmış yazıçıdır. Populyar bədii əsərlərin müəllifi olan nasir kimi ölkəmizdə və onun hüdudlarından kənarda tanınır. Ümummilli lider Heydər Əliyev və Azərbaycan Prezidenti cənab İlham Əliyev tərəfindən Prezident mükafatına layiq görülüb,  “İlin qadın yazıçısı” elan olunub. Filologiya üzrə fəlsəfə doktorudur.
     Natəvan xanım dünya azərbaycanlıları arenasında Azərbaycan dövlətinin, onun əsas ideologiyası olan Azərbaycançılıq ideologiyasının təbliği, təşviqi işində yaxından iştirak edir.
   Natəvan xanımı  ATİA.AZ saytının kollektivi adından təbrik edir, ona daha böyük uğurlar arzulayırıq.