Respublikamız idman sahəsində dünyada özünə layiqli yer tutmuşdur.

Bu şərəfli işdə Qazax rayonunun yetirdiyi idmançıların da böyük əməyi olmuşdur. Qazax idman tarixində özünə böyük hörmət qazanmış idmançı, şair, Əliyev Rayət Səhlədər oğlu tərəfindən Qazax idmançılarının şərəfinə yazılmış bir əsəri sizə təqdim edirik .

"Qazax idmanı"

Öyünər daima Qazax mahalı,
Bir tarixdi Məmmədəli Qazaxlı
Xatırladar Rüstəm Zalı, Sal salı,
Kim tanımır Kərimovu, Paşanı,
Böyük bir ordudu Qazax idmanı.

Çağdaş dövrümüzün veteranları,
Sarı, Kamal - pəhləvan qardaşları
Güləşin min cürə, min rəng çaları,
Ramizin bol oldu şöhrəti, şanı
Böyük bir ordudu Qazax idmanı.

Mehdiyev Hidayət, Manaf, Vaqifi
Əzəldən güləşin oldu v aqifi
Qələbəydi başqa yoxuydu nəfi,
Yaxşı tanı pəhləvani-cahanı
Böyük bir ordudu Qazax idmanı.

Namazov Sahibin çoxdu cəfası,
Yüzlərlə tələbə, idman ustası,
Ən böyük sərvəti elin duası
Vətənə xidmətdi tək adı-sanı,
Böyük bir ordudu Qazax idmanı.

Ağır atletikanın ağır atleti,
Rəhim, Yusif, Əli onun sərvəti
Nizami Qasımov, bir də Rayəti,
Çatdı yeni qələbələr zamanı
Böyük bir ordudu Qazax idmanı.

Karate, Kinqboksu, həm də şahmatı,
Neçə ölkələrdə eylədi matı
Pərvizi, Pərvini, həm də Rəşadı
Yetişdirdi gör nə qədər ustanı,
Böyük bir ordudu Qazax idmanı.

"Biomen" klubu oldu gərəyi,
Qolbasmada əyilmədi biləyi.
Qismət, Nemət, Ramazan, İsgəndəri
Azərin sədası gəzdi hər yanı
Böyük bir ordudu Qazax idmanı.

Əhmədov Azərim dayandı mətin,
Qoydu bünövrəsin boksun, sənətin
Dünyaya səs saldı təkcə Samirin,
Düşməni məhv edər çatarsa anı,
Böyük bir ordudu Qazax idmanı.

Həsən uddu Avropanı, dünyanı,
Alqışlara layiq Sənan, Kənanı
Zorxanada zor işlətdi Turalı,
Silkələdi hey Turanı, İranı
Böyük bir ordudu Qazax idmanı.

"Göyəzən" klubu, futbol tarixin
Yada düşər həm Rəhmanın, Fərmanın
"Qazax Gənclər", "Qazax UGIM" sabahın,
Elvin, Elfaq, Namiq, həm Ədilxanı,
Böyük bir ordudu Qazax idmanı.

Qasımov Rafiqdən aldı təlimi,
Xalça üzərində bir qalib kimi
Yunan, Roma üzrə ölkə hakimi
Namazov İsəni yaxşı bil, tanı,
Böyük bir ordudu Qazax idmanı.

Kim tanımır İsrafili, bax onu,
İşlədi, qaldırdı yüzlərlə tonu,
Rekordların, qələbənin yox sonu,
Şərəflə qoruyur Azərbaycanı,
Böyük bir ordudu Qazax idmanı.

Yaratdı Qazaxda "Fəqan" məktəbi
Yüksəliş zirvəydi onun tələbi.
Karate, güləşin gələndə təbi
Qazaxlıtək yaxşı tanı Fəqanı,
Böyük bir ordudu Qazax idmanı.

Əlçatmaz zirvədi Nicatın taxtı,
Rioda ən yüksək pilləyə qalxdı.
Qızıl medalını döşünə taxdı,
Axdı damarından qazaxlı qanı,
Böyük bir ordudu Qazax idmanı.

Comərd qurdu həndbolun təməlin,
Valeh çəkdi çox zəhmətin, əməlin.
Şagirdləri yığmaların, ölkənin,
Təmsil edir həm ölkəni, yığmanı
Böyük bir ordudu Qazax idmanı.

Fərid Məmmədovun idman həyatı
Bəllidi hər kəsə qeyrəti, zatı,
Cüdo onun həm sərvəti, baratı,
Qara kəmər tanıtdırır ustanı
Böyük bir ordudu Qazax idmanı.

Firdovsi həm zirvə, həm də ki dayaq,
Vətən alqışlayar əllərdə bayraq,
"Şöhrət", "Tərəqqi"si döşündə yaraq,
Gəzdi idman deyə bütün dünyanı,
Böyük bir ordudu Qazax idmanı.

Doğma Qazax, xalqın, elin, dayağın,
Başın üstə dalğalansın bayrağın,
Olimpdən, dünyadan gəlsin sorağın,
Rayətəm, bağlaram belə dastanı
Böyük bir ordudu Qazax idmanı.

Rayət Əli