2 may 2023-cü il tarixdə Müstəqil Azərbaycan dövlətinin qurucusu və memarı, Dahi Rəhbər, Böyük Xilaskar, Ulu Öndər Heydər Əliyevin  100 illik yubileyi münasibətilə YAP Qazax rayon təşkilatı Aparatının işçiləri və fəalları Qazax rayon ictimaiyyəti üçün müqəddəs məkana çevrilmiş Qazax rayon Heydər Əliyev Mərkəzində "Açıq qapı” günlərində iştirak etdilər və Dahi Rəhbər Heydər Əliyevin abidəsi önünə tər çiçəklər düzərək onun əziz xatirəsinə bir daha hörmət və ehtiramlarını bildirdilər. 
       Sonra tədbir iştirakçıları Heydər Əliyev Mərkəzində Ümummilli Liderin şərəfli və mənalı  ömür yolunu əks etdirən sərgi və fotostendlə tanış oldular, Ulu Öndərin böyük xilaskarlıq missiyasını və müstəqil Azərbaycanımızın həyatındakı müstəsna xidmətlərini əks etdirən filmi izlədilər. 
Sonda Ümummilli Liderin şah əsəri olan Müstəqil Azərbaycan dövlətinin xəritəsi ətrafında Dahi Rəhbərin uzaqgörən siyasəti, xilaskarlıq missiyası və misilsiz xidmətləri barəsində geniş söhbətlər aparıldı. 


AYDIN ADIGÖZƏLLİ,
ATİA.AZ saytının baş redaktoru