26 yanvar 2025-ci il tarixdə Azərbaycan respublikası Tovuz şəhərində  "Kəmər döyüşu VCBCMMA 06" seriyası  üzrə  keçirlən Qafqaz Döyüş Liqasının 6-cı  seriyasında ölkəmizi Azərbaycan Daxili İşlər Nazirliyinin Çevik Polis Alayının Polis əməkdaşi, peşəkar idmançımız Kazbek Məmmədov təmsil etdi. Onun rəqibi Özbəkistan  idmançısı Eden Adem Axmedov idi.  İdmançılar  70 kq çəki dərəcəsində mübarizə aparırdılar. Kazbek Məmmədov birinci raundda rəqibini “nakaut” edərək, qalib oldu və "Titul Kəməri"ni qazandı.  Qalibiyyətini əmisi  ŞƏHİD  Fidat Məmmədova və dostu ŞƏHİD  Cəbrayıl Dövlətzadənin ruhuna həsr etdi.

     Xatırladaq ki,  Gürcüstanın Qardabani şəhərində   keçirilən  Kinqboksun MMA K1 versiyası üzrə keçirilən beynəlxalq turnirdə ölkıəmizi təmsil edən Kazbek Məmmədov fəxri kürsünün ən yüksək pilləsinə layiq görülmüşdü. Bu döyüşünü  ŞƏHİDLƏRİMİZƏ həsr edən  Kazbek Məmmədovun   rəqibi Gürcüstanı təmsil etsə də erməni əsilli idmanci idi. Həmin turnirdə  Azərbaycan, Türkiyə, Gürcüstan, Ermənistan, Özbəkistan, Qırğızstan, Qazaxıstan, Türkmənistan, Rusiya, Ukrayna, Moldaviya, Belarusiya, İran, Bolqarıstan, Ruminiya olmaqla 15 Ölkənin idmançıları işrirak edirdi.

      Qeyd edək ki,  Kazbek Məmmədov əslən Qazax rayonunun Daş Salahlı kəndindəndir. Qazax idman məktəbinin yetirməsidir. Hazırda "Qartal Fayk" idman klubunun idmançısıdır.

       Peşəkar idmancımızı  və onun üzərində böyük əməyi olan  müəllimi Rafail İsayevi  təbrik edirik,  daha böyük  uğurlar  arzulayırıq.  İnanırıq ki, qələbələr davamlı olacaq,  idmançımız bizi yeni-yeni uğurları ilə sevindirəcək.