“Qarabağ”ın qapıçısı Amin Ramazanov zədələnib. 

Klubun saytına istinadən xəbər verir ki, o, məşq prosesində xəsarət alıb. Qolkiperin müayinəsi zamanı sağ dizinin ön çarpaz bağlarının tam qopması aşkarlanıb. Amin yaxın müddətdə əməliyyat olunacaq. Onun 8 aydan sonra yaşıl meydanlara dönəcəyi gözlənilir.

Məlumata görə, Ağdam təmsilçisi “Səbail”dən 19 yaşlı qapıçı Sadiq Məmmədzadəni heyətinə qatıb. Sadiq Azərbaycanın U-19 millisinin üzvüdür.

Qeyd edək ki, Avstriyada təlim-məşq toplanışında olan komandanın hazırlıq prosesi iyulun 17-dək davam edəcək.