Qazaxda Şəhid idmançı Xaliddin Veyislinin xatirəsinə həsr edilmiş yunan Roma güləşi üzrə turnir keçirilib.

02 aprel 2022-ci il tarixdə Qazax Olimpiya İdman Kompleksində Qazax rayon Gənclər və İdman İdarəsinin və "Fəqan" İdman Kulubunun təşkilatçılığı, Qazax rayon Qarabağ Əlillərinə Qayğı İctimai Birliyinin dəstəyi ilə təşkil edilən turnirdə Qazax, Goranboy, Şəmkir, Mingəçevir, Yevlax, Göyçay rayonları olmaqla ümumilikdə 9 komandadan 150-dən cox  idmançı iştirak edib.

Turnirin açlışında cıxış edənlər "Fəqan" İdman Kulubunun Prezidenti Sücayət Nağdalıyev, Qazax rayon Gənclər və İdman İdarəsinin rəisi Vüqar Nəbiyev, Qazax Olimpiya Kompleksin əməkdaşı Azər Əliyev , Qazax rayon "Qarabağ Əlillərinə Qayğı İB" nin sədiri Seyfəddin Məmmədov, şəhid Atası Zərgər Veyisov cıxış edərək bildiriblər ki, bu cür turnirlərin keçirilməsində əsas məqsəd torpaqlarımızın bütövlüyü uğrunda canından keçən Şəhidlərimizin xatirəsini əbədiləşdirmək, onların şərəfli həyat yolunu təbliğ etmək, böyüməkdə olan gənc nəslin vətənpərvər, sağlam idmançı kimi böyüməsi, eyni zamanda Qazaxda yunan-Roma güləş idman növünü təbliğ və inkişaf etdirmək  olduğunu bildiriblər.

Turnirin proqramına əsasən, 2008-2010 və 2011-2014-cü il təvəllüdlü idmançılar arasında hər yaş qrupunda 10 çəki  dərəcəsi olmaqla qələbə uğrunda mübarizə aparıb.

Hər çəki dərəcəsi üzrə 1-ci, 2-ci 3-cü yeri tutan idmançılar diplom və medallarla  təltif ediliblər.

Qeyd edək ki, Şəhid Xaliddin Veyisli "Fəqan" İdman Kulubunun üzvü olub. O, 44 günlük vətən müharibəsində qəhrəmancasına Şəhid olub. "Vətən uğrunda" , "Döyüşdə fərqlənməyə görə" və "Füzulinin azad olunmasına görə" medalları ilə təltif olunub.