Azərbaycan ədəbiyyatında hər bir qələm sahibinin özünəməxsus yaradıcılıq yolu, dünyagörüşü və sözə münasibəti vardır. Bəzi şairlər hisslərini, bəziləri ictimai düşüncələrini, digərləri isə həyatın fəlsəfi mahiyyətini poetik dillə ifadə etməyə üstünlük verirlər. 

    Hacı Loğman Qorqudun yaradıcılığında məhz sonuncu istiqamət – insan, kainat, ruh, Tanrı, tarix və milli yaddaş haqqında düşüncələr xüsusi yer tutur.

Göyçə mahalının Babacan kəndində dünyaya göz açmış Hacı Loğman Məhəmməd oğlu yaradıcılığında doğulduğu torpağın saz-söz ənənələrini, qədim türk düşüncəsini və Azərbaycan ədəbi irsini əsas mənəvi dayaqlardan biri kimi qəbul edir. O, şair, filosof və tədqiqatçı kimi fəaliyyət göstərir. Azərbaycan Yazıçılar Birliyinin üzvü, «Qızıl Qələm» mükafatı laureatıdır. 

     Hacı Loğman Qorqudun yaradıcılığının əsas  fəlsəfi qayəsi və fərqləndirici cəhətlərindən biri hadisələrə yalnız zahiri görünüşü ilə deyil, onların daxili mahiyyəti ilə yanaşmaq istəyidir.

    Onun yaradıcılıq dünyasında insan sadəcə bioloji varlıq deyil. İnsan ruhu, düşüncəsi, vicdanı, imanı və mənəvi məsuliyyəti ilə bütöv bir aləm kimi təqdim olunur.

    Şairin fəlsəfi düşüncələrində həyatın mənası, insanın dünyaya gəlişi, zamanın keçiciliyi, ölüm və əbədiyyət məsələləri mühüm yer tutur. Bu mövzular onun poeziyasına düşündürücü məzmun verir.

    Müəllifin özünün də bildirdiyi kimi, yaradıcılığında ən çox fəlsəfəyə və həyat hikmətinə meyil göstərir. Bu xüsusiyyət onun həm şeirlərində, həm də ədəbi-tədqiqat əsərlərində müşahidə olunur. 

   Hacı Loğman Qorqudun «Gəldim» adlı vücudnaməsi onun poetik-fəlsəfi düşüncəsini öyrənmək baxımından maraqlı əsərlərdən biridir.

Vücudnamə Azərbaycan aşıq poeziyasında insanın dünyaya gəlişini, yaş mərhələlərini, həyat təcrübəsini və qocalığını əks etdirən ənənəvi janrdır. Müəllif bu janrın imkanlarından istifadə edərək insan ömrünü dini-irfani və fəlsəfi müstəvidə təqdim edir.

    Onun yaradıcılığına veriləcək ən obyektiv qiymət isə əsərlərinin geniş oxucu və elmi ictimaiyyət tərəfindən öyrənilməsi, müzakirə olunması və tənqidi təhlilindən keçməlidir.

   Sözün dəyəri onun yaratdığı düşüncədə, sənətkarın böyüklüyü isə oxucusunu düşündürmək qüdrətindədir. Hacı Loğman Qorqudun yaradıcılığını araşdırarkən diqqətimizi çəkən əsas məqam da məhz bu düşüncə axtarışıdır.

Hacı Loğmanın bir neçə əsərini təqdim edirik:

Torpaqdan yaranıb, torpağa gedir

Əlbəttə, son söz oxucularımızındır. Biz  isə ATİA.AZ saytı olaraq  Hacı Loğman Qorquda can sağlığı, yeni-yeni yaradıcılıq uğurları arzu edirik.