Giriş:

     2025-ci il Azərbaycanda “Konstitusiya və Suverenlik İli” elan edildi.  Bu qərar təsadüfi deyil. Bu il bizim üçün iki böyük tarixi hadisə ilə əlamətdardır: Azərbaycan Konstitusiyasının qəbul edilməsinin 30 illiyi və Vətən müharibəsində qazanılan şanlı Qələbənin 5-ci ildönümü. 

   Konstitusiya bir xalqın azadlığının, dövlətin isə suverenliyinin təməl sütunudur. Biz bu gün azad, güclü və müstəqil Azərbaycanda yaşayırıqsa, bu, keçmişdə atılmış mühüm addımların və bugünkü qətiyyətli siyasətin nəticəsidir. 

     Azərbaycan Konstitusiyası: Dövlətimizin Hüquqi Təməli 

    Müstəqilliyimizi bərpa etdikdən sonra, Azərbaycanın qarşısında duran ən vacib vəzifələrdən biri möhkəm hüquqi bazaya malik olmaq idi. 12 noyabr 1995-ci ildə qəbul edilən Azərbaycan Respublikasının Konstitusiyası xalqımızın iradəsini əks etdirən əsas qanun oldu. O, demokratik dövlət quruculuğunun yolunu müəyyənləşdirdi, vətəndaş hüquq və azadlıqlarını qoruma altına aldı.

      Bu sənəd təkcə hüquqi çərçivə deyil, həm də dövlətin suverenliyini, ərazi bütövlüyünü və gücünü ifadə edən müqəddəs bir dəyərdir. Əgər bu gün Qarabağ və Şərqi Zəngəzur tamamilə Azərbaycan bayrağı altında birləşibsə, bu, Konstitusiyamızın ruhuna və onun qorunmasına verdiyimiz önəmin nəticəsidir.

     Suverenlik: Müstəqil Azərbaycanın Böyük Nailiyyəti 

Suverenlik sadəcə kağız üzərində yazılmış bir prinsip deyil. O, xalqın öz taleyini özü müəyyən etməsi, sərhədlərinin toxunulmaz olması və dövlətin tam müstəqil siyasət yürütməsi deməkdir. Azərbaycan uzun illər ərzində öz suverenliyini qorumaq üçün böyük sınaqlardan keçib. 

    1990-cı illərdə müstəqilliyimizin ilk illərində qarşılaşdığımız çətinliklər, 

    2020-ci ildə Vətən müharibəsində qazanılan möhtəşəm Qələbə ,

    2023-cü ildə Qarabağdakı separatizmin tamamilə aradan qaldırılması ...

   Bunlar bizim suverenliyimizin dönməz olduğunu sübut etdi. Azərbaycan bu illər ərzində təkcə öz ərazi bütövlüyünü bərpa etmədi, həm də bütün dünyaya güclü dövlət olduğunu nümayiş etdirdi. Biz bu torpaqları qanımız, canımız bahasına azad etdik və bu suverenliyimizi əbədi qoruyacağıq!

              2025-ci il: Yeni Dövrün Başlanğıcı

    Azərbaycanın suveren dövlət olaraq əldə etdiyi nailiyyətləri qorumaq və daha da möhkəmləndirmək üçün “Konstitusiya və Suverenlik İli” çərçivəsində bir sıra mühüm tədbirlər həyata keçiriləcək: 

   Elmi konfranslar və ictimai müzakirələr – Konstitusiyamızın inkişaf yolu, onun müasir dövrə uyğun təkamülü,

   Maarifləndirici proqramlar və layihələr – Gənc nəsilə dövlətçilik ənənələrinin ötürülməsi,

   Vətən müharibəsi şəhidlərinin və qazilərinin şərəfinə tədbirlər – Suverenlik uğrunda canını fəda etmiş qəhrəmanların xatirəsinə ehtiram... 

     Bu tədbirlər Azərbaycan xalqının milli ruhunu daha da gücləndirəcək, dövlətçilik prinsiplərini möhkəmləndirəcək və gənc nəsli vətənpərvərlik ruhunda yetişdirəcək. 

          Nəticə 

     Azərbaycan 30 il əvvəl müstəqil dövlət kimi yeni bir dövrə qədəm qoydu və bu gün öz suverenliyi və ərazi bütövlüyü ilə dünyaya gücünü sübut edir. 2025-ci ilin “Konstitusiya və Suverenlik İli” elan edilməsi isə təkcə tarixi bir qərar deyil, həm də gələcəyə olan baxışımızın ifadəsidir.

     Biz bu torpaqları qanımızla, mübarizəmizlə, iradəmizlə qoruduq və qorumağa davam edəcəyik! Konstitusiyamız təkcə hüquqi sənəd deyil, xalqımızın müstəqillik manifestidir! Suverenliyimiz isə əbədi və dönməzdir!

         İstinadlar:

     1. Azərbaycan Respublikasının Konstitusiyası. (1995) 

     2. Azərbaycan Prezidentinin rəsmi saytı – president.az 

     3. Azərbaycan Respublikasının Dövlət Təhlükəsizliyi Xidməti – dtx.gov.az 

     4. Azərbaycan Respublikasının Müdafiə Nazirliyi – mod.gov.az

     5. Azərbaycan tarixşünaslığı və dövlətçilik irsi haqqında elmi məqalələr – science.az 

   Zeynəb Salahova, 

Naxçıvan Dövlət Universiteti 

Hüquqşünaslıq fakültəsinin 1-ci kurs tələbəsi