“Kontakt” mağazalar şəbəkəsi yeni tədris ili ərəfəsində ucqar kəndlərdə yaşayan məktəbliləri sevindirməyə hazırlaşır. Şəbəkənin “Hekayənin bir parçası ol” adlanan bu layihəsi olduqca təsirli təqdimat videosu ilə diqqət çəkib.

Layihədə “Kontakt” eksklüziv tərəfdaşı olan “Hisense” brendi ilə birgə addımlayır. Belə ki, oktyabrın 1-dək “Kontakt” mağazalarında eləcə də, kontakt.az saytında “Hisense” məhsullarının satışından əldə olunan gəlirin bir hissəsi ucqar kəndlərdə yaşayan məktəblilərin təhsilini dəstəkləmək məqsədilə onlara notbukların alınmasına sərf ediləcək.

Qeyd edək ki, layihə Azərbaycan Qızıl Aypara Cəmiyyətinin dəstəyi ilə həyata keçirilir. Bu layihədə “Hisense”la yanaşı, “Philips” brendi də məhsullarının satışından əldə olunan gəlir ilə məktəblilərin notbuk sahibi olmasına dəstək göstərəcək.