İctimai yerlərdə internetə pulsuz giriş mövcuddur. Bəzən belə yerlərdə şifrə tələb olunmadan, birbaşa qoşulmaq mümkün olur. Bu da bir çox hallarda şəxsi məlumatların oğurlanması və digər ciddi problemlərə səbəb olur. 
   İnformasiya və kommunikasiya texnologiyaları üzrə mütəxəssis Fərhad Mirəliyevin sözlərinə görə, ictimai “Wi-Fi”ya qoşulma istifadəçilər üçün asan yol olsa da, hakerlər üçün cəlbedici mühitdir. Bununla elektron poçt, kredit kartları və digər məlumatlar əldə edilə bilər.