Aybəniz Füzuli qızı Abdulova  Bakı şəhərində anadan olub.  Orta məktəbi qızıl açarla bitirib.
2016-cı ildə jurnalistika fakültəsini bitirən Aybəniz  Abdulova 2017-ci ildə ilk iş fəaliyyətinə  "xəbərfakt.az" saytında müxbir kimi başlayıb.  Dövlət tədbirlərində fəal iştirakına görə 2017, 2018, 2019 və  2020-ci ilərdə Mədəniyyət Nazirliyi  və digər təşkilatlar  tərəfindən müxtəlif diplom və sertifikatlarla təltif edilib. Həmin illərdə  "Space" radiosunda, müxtəlif sayt, qəzet və jurnallarda   müxbir, xüsusi müxbir, TV aparıcısı,  operator, admin  kimi vəzifələrdə fəaliyyət göstərib. 

Bir çox saytlarda müxtəlif mövzularda məqalələri dərc olunan Aybəniz Abdulova ATİA.AZ saytında da "Aybəniz Dəniz" imzası ilə geniş oxucu kütləsinin rəğbətini qazanıb.
Bundan başqa bir çox qısametrajlı filmlərdə ( Aztv-də və İctimai Tv-də 20 Yanvar", "Xocalı" və s.) və seriallarda ( XəzərTv-də "Ata ocağı", "13-cü Mənzil", "Arzular","Cinayət və Cəza", "ictimai Tv-də "İstintaq davam edir", "Bizim restoran",   "Novruz" və s.) (Müğənni Aqşin  Fatehin "Cangüdən", Samir Priyevin "Onun adı" kliplərində) çəkilişə dəvət alan gənc xanımın aktrisa kimi də fəaliyyəti də tamaşaçı rəğbəti qazanmışdır.
 Hazırda "Azərbaycan Nəşriyyatı"nda "Azərbaycan İnformasiya Agentliyi" xəbər portalının  xüsusi müxbiri kimi fəaliyyət göstərir.
 Hər zaman öz peşəsi  üzrə Dövlətə xidmət etməkdən qürur duyan AYBƏNİZ xanımı doğum günü münasibəti ilə ATİA.AZ saytının kollektivi adından səmimi qəlbdən təbrik edir, ona uzun ömür, can sağlığı, yeni-yeni yaradıcılıq uğurları arzu edirik.