Ötən gün sosial şəbəkələrdə Xalq artisti Arif Quliyevin ölüm xəbəri yayılıb.

ATİA.AZ  bildirir ki, "moderator.az"-a açıqlama verən sənətkar bu cür şaiyələrə artıq öyrəşdiyini bildirib:

“Zəng edib mənə deyirlər ki, Arif Quliyev dünyasını dəyişib? Mən də zarafatcasına deyirəm ki, mən çöldəyəm, gözləyin, bir dəqiqə evə zəng edim görüm dəqiqdir? (gülür). Arif Quliyev ad və soyadında təkcə mən deyiləm ki. O qədər insan var. Təbii ki, bu şaiyədir. Məni o qədər “öldürdülər” ki, artıq özüm də ölümümə inanıram. Bu şaiyələr daa mənə təsir etmir, heç vecimə də deyil”.