8 may 2023-cü il tarixdə Qazaxda  Ümummilli Lider Heydər Əliyevin 100 illik yubileyinə həsr olunmuş növbəti tədbir keçirildi. Əvvəlcə tədbir iştirakçıları müstəqil Azərbaycanın banisi və qurucusu Ulu Öndər Heydər Əliyevin Qazax şəhərində Heydər Əliyev adına parkda ucaldılmış əzəmətli abidəsini ziyarət edərək, önünə tər çiçək dəstələri düzdülər və Ulu Öndərin əziz xatirəsinə hörmət və ehtiramlarını bildiridilər. Tədbir iştirakçıları Heydər Əliyev adına Mərkəzdə Ulu Öndərin şərəfli və mənalı ömrünü əks etdirən fotostendlə tanış oldular. 
     Tədbir iştirakçıları Qazax Müalicə Diaqnostika Mərkəzində əvvəlcə Ümummilli Lider Heydər Əliyevin və Akademik Zərifə Əliyevanın şərəfli və mənalı ömrünü əks etdirən sərgi ilə tanış oldular. Ulu Öndər Heydər Əliyevin və Azərbaycanın suverenliyi, ərazi bütövlüyü uğrunda canlarından keçmiş qəhrəman övladlarımızın əziz xatirəsi bir dəqiqəlik sükutla yad olundu və Dahi Rəhbərin mənalı ömür yolunu əks etdirən  videoçarx nümayiş etdirildi. 
     Tədbiri giriş nitqi ilə Qazax rayon İcra Hakimiyyətinin başçısı     Rəcəb Babaşov açaraq Ümummilli Lider Heydər Əliyevin 100 illik yubileyi münasibətilə rayonda keçirilən çoxsaylı tədbirlərdən, Ulu Öndərin şərəfli və mənalı ömür yolundan, misilsiz xidmətlərindən  ətraflı danışdı.
Qazax Müalicə Diaqnostika Mərkəzinin direktoru Kamandar İbrahimov geniş məruzə ilə çıxış etdi.
    Tədbirdə YAP Qazax rayon təşkilatının sədri Anar Nəbiyev, Dünya Türkologiya Mərkəzinin sədri, filologiya üzrə fəlsəfə doktoru, tarix elmləri doktoru, AMEA-nın Arxeologiya, Etnoqrafiya və Antropologiya İnstitutunun şöbə müdiri Güllü Yoloğlu, həkimlərdən Cəbrayıl Vəlizadə, Elxan Bayramov, Nigar Dəmirçiyeva, Leyla Nəsibova çıxış edərək Ümummilli Lider Heydər Əliyevin şah əsəri olan müasir, müstəqil Azərbaycanın inkişafıında  göstərdiyi tarixi xidmətlərdən, Ümummilli Lider Heydər Əliyevin siyasi kursunun Möhtərəm Prezidentimiz cənab İlham Əliyev tərəfindən uğurla, müvəffəqiyyətlə davam etdirilməsindən, mövcud Azərbaycan reallıqlarıından  ətraflı danışdılar.