Millət vəkili Razi Nurullayev  Məmmədov İlqar Hüseyin oğlu barədə  ƏFV komissiyasına müraciət edib. Deputat sosial şəbəkədə raylaşım edib. Paylaşımda deyilir:

Bu ana Güllü Bayramova Allahverdi qızıdır, İmişli rayonu, Şahverdili kənd sakinidir. Həyat yoldaşı 40 yaşında vəfat edib, 7 uşağı tək böyüdüb. 

Oğlu Rafiq Məmmədov Hüseyn oğlu, 1993-cü ildə şəhid olub. Müraciətinə uyğun Güllü ananı evində ziyarət edərək, hər şeyi öz qulağımla eşitmək, reallığı yerindəcə öyrənmək istədim. 

Güllü ananın nəvəsi Məmmədov Sadiq Etibar oğlu 2010-cu ildə hərbidə şəhid olub. Güllu ananın oğlu, Məmmədov Etibar Hüseyin oğlu, Sadiqin atasının da bir il keçməmiş ürəyi partlayaraq ölüb.

Şəhid anası olan Güllü ananın digər oğlu, İlqar Məmmədov Hüseyn oğlu 2016-cı ildə Aqrolizinq işi ilə bağlı 8 illik həbsə məhkum edilib. Anbardar işləyib, çox şeyə ona qol çəkdiriblər. İlqarla bağlı əfv Komissiyasına müraciət etmişəm. 

İlqar Məmmədovla birlikdə həmin Aqrolizinqin müdiri Raziyə 9 il, həmin Aqrolizinqin müsahibi Gözəlov İmanverdiyə isə 8 il cəza verilib. Razi və İmanverdi məhkəmənin qərarı ilə vaxtından əvvəl cəzadan azad edilərək azadlığa buraxılıb. Aqrolizinq ASC-nin rəhbərli tərəfindən verilən məktubda göstərilir ki İlqar Məmmədovdan heç bir şikayətləri və tələbləri yoxdur. Hazırda Məmmədov İlqar Hüseyin oğlu vərəm xəstəliyindən də əziyyət çəkir. Ondan daha çox iş alanlar və rəhbərlər azadlığa çıxa bilir, "yetim" isə 5 ildir ki, cəza çəkir. Çoxdan əfvə düşməli idi. Niyə düşməyib, gərək araşdırılsın.