Ötən gün dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsi başlayıb. Sertifikasiyanın ilk günündə riyaziyyat fənnini tədris edən müəllimlər imtahan veriblər.
 
Təhsil İnstitutu nəzdindəki İnsan Resursları Mərkəzindən verilən məlumata görə, ötən gün keçirilən test imtahanlarında 8 580 müəllim iştirak edib. Prosesin ilk günündə 97% davamiyyət qeydə alınıb. Test imtahanı mərhələsi Naxçıvan şəhəri də daxil olmaqla, ölkənin 18 müxtəlif şəhəri üzrə 27 imtahan mərkəzində təşkil olunub.
 
"Azərbaycan müəllimi" qəzetinin məlumatına görə, sertifikatlaşdırma imtahanının ilk günündə ölkə üzrə 38 riyaziyyat müəllimi maksimum bal toplayıb. Onlardan biri rus, qalanları isə Azərbaycan bölməsi üzrə dərs deyirlər.

60 bal toplamağa müvəffəq olan riyaziyyat müəllimlərdən 3-ü kişi, 35-i isə qadın müəllimlərdir.
Maksimum bal toplayan müəllimlərin ən yaşlısının 56, ən gəncinin isə 27 yaşı olub. Ümumilikdə həmin müəllimlərin yaş ortalaması 36.5 olub.
 
Riyaziyyat fənni üzrə sertifikatlaşdırmanın test imtahanı mərhələsində ən yüksək nəticə göstərən müəllimlərin rayon və şəhərlər üzrə bölgüsü isə aşağıdakı kimidir: