Qeyd etdiyimiz kimi qırmızı, sarı və ya başqa rənglərlə boyanmış yumurta da seçimə - ən yaxşı cins ev toyuqlarına işarə idi. Adətən evlərdən hər kəs öz toyuqlarının yumurtalarından ən möhkəmini seçib yumurta döyüşdürmək yarışına qoşulardı. Bu adətlə hansı toyuğun daha sağlam olması təyin edilirdi. 

Çünki, ən möhkəm yumurtanı ən sağlam toyuq yumurtlayır. Bununla yeni ildə hansı toyuğun yumurtasından, hansı toyuğu kürt yatırdıb daha sağlam, dözümlü cücələr böyütmək sualına cavab tapılırdı. Məhz qalib yumurta qələbə, paklıq, halallıq, bərəkət rəmzi kimi  süfrəyə qoyulurdu. Sınmış yumurta boyanmazdı, çünki məğlub olmuş sayılırdı.