— Bu gün mənim üçün sadəcə bir tarix deyil. Bu, bir xatırlatmadır: cəmiyyətin vicdanına edilən səssiz müraciətdir. 5 may bizə deyir ki, hüquqlar danışılmalı deyil, yaşanmalıdır. Amma bunun üçün əvvəlcə baxış dəyişməlidir.

— Biz insanlara yeni bir "baxış bucağı” təqdim edirik. Əlilliyi olan insanları səhnəyə çıxarmaq məqsəd deyil, əsl məqsəd onların içindəki işığı göstərməkdir. İnsanlar səhnədən sonra artıq fərqli düşünməyə başlayırsa, deməli biz doğru yoldayıq.

— Empatiyaya yox, anlayışa. Çünki empatiya bəzən keçicidir, amma anlayış dəyişiklik yaradır. Bizə mərhəmət yox, bərabər imkanlar lazımdır.

— Alqışla yox. Əgər bir insan özünü "kənarda qalan” yox, "dəyərli” hiss etməyə başlayırsa — bu, ən böyük uğurdur.

— Bu, mənim üçün bir layihə deyil. Bu, bir missiyadır. Mən istəyirəm ki, insanlar fiziki məhdudiyyəti yox, daxili gücü görsünlər.

— Səhnəyə tərəddüdlə çıxan birinin özünü tapdığı an. O an anlayırsan ki, sən sadəcə tədbir təşkil etməmisən — sən bir insanın həyatına işıq gətirmisən.

— Mən onu bir layihə kimi yox, bir hərəkat kimi görürəm. Daha böyük səhnələrdə, daha çox insanın həyatına toxunan bir platforma kimi.

— Biz fərqli deyilik. Sadəcə, bizim gücümüz bir az daha görünməzdir. Amma inanın, o güc işıq saçmağa qadirdir.

Elnar Musayev

"İşıqlı İstedadlar” layihəsinin rəhbəri