Latviya parlamenti Saeima ölkə ərazisində "sovet və nasist rejimini tərənnüm edən" bütün abidələrin və digər obyektlərin sökülməsini tələb edən yeni qanun üzərində işləyir.

Təklif olunan qanuna əsasən, aidiyyəti yerli özünüidarəetmə orqanları abidənin mülkiyyətindən, qanuni sahibindən və ya yerləşdiyi torpaq sahəsindən asılı olmayaraq abidələrin sökülməsi ilə bağlı təklif vermək hüququna malik olacaqlar.
Qanun layihəsi yerli bələdiyyələrdən təklif olunan son tarixə, 2022-ci il noyabrın 15-nə kimi öz ərazilərindəki sovet abidələrini sökməyi tələb edəcək.
Latviya hakimiyyəti qeyd edib ki, sovet abidələrinin sökülməsi ilə bağlı yeni qanuna qəbiristanlıqlarda qoyulan abidələr və sovet və ya nasist qurbanlarının xatirəsinə ucaldılmış abidələr daxil deyil. 
Hazırda Latviyada Sovet İttifaqına həsr olunmuş 300-ə yaxın abidə, xatirə lövhəsi və memorial yerlər var.
Qanunun iyunun 16-da qəbul ediləcəyi gözlənilir.

xarici