Kəlbəcər rayon Təhsil Şöbəsinin tabeçiliyində olan Təhsil Ocaqlarında özbaşınalıqlar sərhəd tanımır. Rayon təhsil sektorunda hər gün elə qanunsuzluqlara, misli görünməmiş dərəbəyliklərə yol verilir ki, buna ad vermək mümkün deyil.
 Söhbət Kəlbəcərin Təhsil Şöbəsinin müdiri  Fazil Zeynalov və ətrafındakı dəstənin məktəblərdə olan qanun pozuntularına göz yummalarından  gedir. Bu da hər zaman ictimaiyyətdə narazılıq yaradır.
 Bundan əvvəl Kəlbəcərin 31 saylı tam orta məktəbindən baş alıb gedən özbaşınalıqlar,  33 saylı məktəbdə yaşanan  gərginliklər barədə məlumat vermişdik. Daha sonra  Kəlbəcər rayon  2 saylı məktəbdə sinif açmaq üçün pul yığılması barədə  social şəbəkələrdə yayımlanan video-çəkiliş  barədə  yazılar dərc olunmuşdu.  Ardıcıl olaraq məktəblərdə şikayətlərin artması isə sırf Təhsil Şöbəsi rəhbərliyinin yaratdığı mühitin, dövlətin qanunlarına zidd addımların atılmasının təcəssümüdür. 
 Bu kimi hallar ictimaiyyətin və adı çəkilən Təhsil müəssisələrində çalışan “qanuni” işçilərin haqlı narazılığına səbəb olur.  Sual oluna bilər ki, “qeyri-qanuni” də işçi ola bilərmi? 
 Bu barədə redaksiyamıza daxil olan məlumata əsasən Kəlbəcər  rayon  58 saylı   tam orta məktəbdə “adı var, özü yox” işçilər haqqında qısa məlumat veririk: 
-Hüseynov  Ceyhun Dağyunis  oğlu -- gözətçi,
-Hüseynova Katibə Şura qızı -- katibə,
-Ələsgərova Təhminə  Qəşəm qızı -- Uşaq birliyinin rəhbəri,
-Mehtiyev Zakir Əbülfət oğlu –laborant  və s…….
  Mənbənin verdiyi məlumata görə  Kəlbəcər   rayon  58 saylı  tam orta məktəbin direktoru Malik  Mustafayev   hətta həyat yoldaşının da adını direktor olduğu məktəbə işçi kimi yazdırıb.  
  Mümkün deyil ki, bütün bunlardan Kəlbəcər Təhsil Şöbəsinin müdiri  Fazil Zeynalovun xəbəri olmasın. Görəsən Fazil Zeynalov nəyə görə bu və bu kimi özbaşınalıqlara, qanun pozuntularına  göz yumur? 
 Bu sahədə araşdırmalarımız davam edir.
 Qarşı tərəfin mövqeyini dərc etməyə hazırıq.