Dünyadakı bütün azərbaycanlıların Ulu Öndəri, tarixi şəxsiyyət  Heydər Əliyevin  həmişəyaşar   ideyaları əbədi məşəl kimi  dövlətimizi və xalqımızı qaranlıqlardan çıxarar nurlu sabahlara, xoşbəxt gələcəyə aparmaqdadır. Ulu Öndərin müdrik siyasətinin nəticəsidir ki, ötən illər ərzində xalqımız Ümummilli Liderimizin  parlaq ideyaları  ətrafında  bir yumruq kimi birləşərək misilsiz uğurlara imza atır. 20 ildən artıqdır ki, Müstəqil Azərbaycanmıza Heydər Əliyev yolunun layiqli davamçısı cənab  İlham Əliyev başçılıq edir. Daim Azərbaycan xalqının iradəsini ifadə edən Möhtərəm Prezidentimiz İlham Əliyev cənabları  müstəqil Azərbaycanın prezidenti olmaqla yanaşı, həm də dünya azərbaycanlılarının sevimli Lideridir. Qalib Xalqın Qalib Lideri İlham Əliyev cənabları bu gün bütün dünya tərəfindən qəbul olunan görkəmli və müasir dövlət xadimidir.   
     2020-ci ildə ordu-xalq və lider-xalq həmrəyliyi ilə düşmən üzərində möhtəşəm Zəfərlə 30 illik işğala son qoyaraq adını tariximizin səhifələrinə qızıl hərflərlə əbədi yazdıran İlham Heydər oğlu Əliyevin Azərbaycana rəhbərlik dövrü şərəf və qürurla dolu bir şanlı salnamədir. Uğur, inkişaf, tərəqqi, yeni-yeni nailiyyətlər, qələbələr, hər bir vətəndaş üçün düşünülmüş sosial siyasət, iqtisadi layihələr, beynəlxalq nüfuz, dünya səviyyəli tədbirlərə ev sahibliyi, sabitlik, rifah və ən əsası “Böyük Qayıdış” kimi şanlı tariximizin növbəti uğuru, möhtəşəm qələbəmizlə nəticələnən Zəfər seçkiləri növbəti dəfə dünyaya səs saldı və Azərbaycanda lider-xalq sevgisinin  ən bariz nümunəsini bir daha sübuta yetirdi. Bəli, əbəs yerə 7 fevral 2024-cü ildə keçirilmiş növbədənkənar Prezident seçkilərini Zəfər seçkisi adlandırmırlar. Möhtərəm Prezident, Müzəffər Ali Baş Komandan İlham Əliyev 20 il ölkəyə   prezidentliyi dövründə   xalqa verdiyi  bütün vədlərə  artıqlaması ilə əməl etdi, Azərbaycanın ərazi bütövlüyünü və suverenliyini bərpa etdi, üçrəngli bayrağımızı Xankəndidə, Şuşada, Xocalıda, Laçında, Kəlbəcərdə, Cəbrayılda, Zəngilanda, Füzulidə və digər rayonlarda şərəflə dalğalandırdı. Suverenliyimiz tam bərpa olundu. 2023-cü ilin sentyabr ayında biz növbəti elə bir Zəfərə nail olduq ki, bu, çox nadir bir hadisədir. Yəni, Azərbaycanın çoxəsrlik tarixində buna oxşar  ikinci bir   Zəfər olmamışdır. Bütün amilləri - siyasi, hərbi və 30 illik işğalı, ərazinin relyefini, müdafiə xətlərinin çox olmasını nəzərə alsaq bu, xalqımızın, dövlətimizin ən parlaq Qələbəsidir. 30 il ərzində işğal altında olmuş ərazilərin işğaldan azad olunması və suverenliymizin tam bərpası yeni bir dövrün başlanğıcı idi. İlk dəfə olaraq müstəqil həyatımızda seçkilər ərazilərimizin hər bir yerində keçirildi. Prezident seçkiləri bütün digər seçkilərlə müqayisədə ən vacib seçkilər olduğu üçün bütün ərazilərdə keçiriləcək birinci seçkilər elə prezident seçkilərinin olması daha önəmli idi.Bu seçkilər həm də ölkəmizin tarixində əbədi olaraq qalacaq əlamətdar bir hadisə idi ki, Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri Xankəndi şəhərində 122 saylı seçki dairəsinin 14 saylı seçki məntəqəsində səs verdilər. Bu həm də mənfur qonşulara, onun himayədarlarına,eyni zamanda dünyaya bir mesaj idi.
     Növbədənkənar seçkilərdə inamlı qələbə qazanan cənab İlham Əliyev cari ilin 14 fevral tarixində Milli Məclisdə əlini Azərbaycan Respublikası Konstitusiyasının üzərinə qoyaraq and içdi: “Azərbaycan Respublikası Prezidentinin səlahiyyətlərini həyata keçirərkən Azərbaycan Respublikasının Konstitusiyasına əməl edəcəyimə, dövlətin müstəqilliyini və ərazi bütövlüyünü qoruyacağıma, xalqa ləyaqətlə xidmət edəcəyimə and içirəm.”Möhtərəm Prezidentimiz əlini müqəddəs “Qurani-Şərif”ə əl basaraq and içdi:  “Azərbaycan xalqının əsrlər boyu yaratdığı milli mədəni dəyərlərə və ənənələrə sadiq olacağam, onları daim uca tutacağam.” Prezident İlham Əliyev Vətəndaşların Əmək Hüquqlarını Müdafiə Liqasının ABŞ-ın “Oracle Advisory Group” təşkilatı ilə birgə apardığı “exit-poll”un nəticələrinə əsasən 93,9 faiz, Sosioloji Tədqiqatlar Mərkəzinin apardığı “exit-poll”un nəticələrinə əsasən 92,4 faiz, “Rəy” Monitorinq Mərkəzi apardığı “exit-poll”un nəticələrinə əsasən 92,6 faiz seçicinin səsini qazanmışdır. Fevralın 11-i Mərkəzi Seçki Komissiyası “2024-cü il fevralın 7-də keçirilmiş növbədənkənar Azərbaycan Respublikası Prezidenti seçkilərinə yekun vurulması və Mərkəzi Seçki Komissiyasının seçkilərin nəticələrinə dair protokolunun müvafiq sənədlərlə birlikdə Azərbaycan Respublikasının Konstitusiya Məhkəməsinə təqdim edilməsi haqqında” Qərar qəbul etmişdir. Fevralın 13-ü Konstitusiya Məhkəməsi Prezident seçkilərinə dair Azərbaycan Respublikası Mərkəzi Seçki Komissiyasının protokolunda əks olunmuş nəticələri təsdiq etmiş və Azərbaycan Respublikasının Prezidentliyinə namizəd Əliyev İlham Heydər oğlunun Azərbaycan Respublikasının Prezidenti seçildiyini elan etmişdir.
      Möhtərəm  Prezidentimiz cənab  İlham Əliyev 2003-cü ildə ilk dəfə ölkə prezidenti seçiləndə xalqı əmin etmişdir ki, qarşıda duran bütün vəzifələri icra edəcəkdir. Bu illər uğurlarla dolu, qələbələrlə dolu illər olmuşdur. Çətinliklər də oldu, problemlər də oldu, ancaq Azərbaycan xalqı bir yumruq kimi birləşərək bütün çətinliklərə və problemlərə baxmayaraq, inkişaf və tərəqqi yolu ilə uğurla, əzmlə  getdi. Təbii ki,əldə edilmiş bütün nailiyyətlərin mənbəyi Azərbaycan xalqıdır və onun vahid amal ətrafında birləşmə bacarığıdır. Biz doğrudan da bütün dünyaya sübut etmişik ki, böyük xalqıq, biz öz taleyimizi özümüz həll edirik, ölkə qarşısında duran problemləri özümüz heç kimin köməyi olmadan həll edirik və özü də  əsaslı şəkildə həll edirik.
       Bəli, Azərbaycanda yeni dövr başlayir. Heç vaxt indiki qədər müstəqil və güclü olmayan dövlətimiz xoş gələcəyə doğru inamla, qətiyyətlə irəliləyir. Dünyanın qarışıq bir zamanında xalqımızın qarşısında mühüm vəzifələr durur.Bu vəzifələrin öhdəsindən gəlmək üçün hər birimiz Möhtərəm Prezidentimiz cənab  İlham Əliyevin ətrafında daha sıx birləşməliyik. Son illərin hadisələri bir daha sübut etdi ki, biz birləşəndə  qüdrətli və yenilməz  oluruq!

Çingiz Məmmədov
YAP Qazax rayon təşkilatının əməkdaşı