Abşeron Rayon Mərkəzi Xəstəxanasında növbəti müşavirə keçirilib.

Abşeron Rayon Mərkəzi Xəstəxanasında direktor Səkinə Sadıxovanın sədrliyi ilə növbəti müşavirə təşkil olunub. Görüşdə direktor müavinləri, şöbə və bölmə müdirləri iştirak ediblər.

İclasda ilk olaraq direktor müavini–baş həkim Fərrux Sədirov və İlkin Səhiyyə xidməti üzrə direktor müavini Kazım Məmmədov tərəfindən əvvəlki tapşırıqların icrası və görülən işlər barədə geniş məlumat təqdim olunub. Həmçinin, tibbi xidmətin keyfiyyətinin artırılması, xəstə məmnunluğunun yüksəldilməsi və mövcud problemlərin operativ həlli ilə bağlı məsələlər müzakirə edilib.

Daha sonra şöbə və bölmə müdirləri fəaliyyət istiqamətləri üzrə görülən işlər barədə direktor Səkinə Sadıxovaya həftəlik hesabatlarını təqdim ediblər. Müzakirələr zamanı tibb müəssisəsində göstərilən xidmətlərin səviyyəsinin daha da yüksəldilməsi, personal arasında qarşılıqlı əməkdaşlığın gücləndirilməsi və məsuliyyətin artırılması ilə bağlı tapşırıqlar verilib.

Müşavirədə çıxış edən Səkinə Sadıxova, qarşıya qoyulan məqsədlərə nail olmaq üçün hər bir əməkdaşın öz vəzifə borcunu vicdanla yerinə yetirməsinin vacibliyini vurğulayıb. O bildirib ki, xəstəxanada göstərilən tibbi xidmətin keyfiyyətinin daim yüksək səviyyədə saxlanılması, vətəndaşlara əlçatan və peşəkar tibbi yardımın göstərilməsi Abşeron Rayon Mərkəzi Xəstəxanasının başlıca prioritetlərindəndir.