Abşeron rayon sakinində narkotik maddə aşkarlanıb.
Bu barədə Daxili İşlər Nazirliyinin Mətbuat xidməti məlumat yayıb.
Belə ki, Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Masazır qəsəbə sakini, əvvəllər məhkum olunmuş A.Şahbazov saxlanılıb.
Şəxsi axtarış zamanı ondan marixuana aşkar edilib, belə ki, davam etdirilən tədbirlərlə onun evindən isə əlavə olaraq altı kq-dan artıq marixuana götürülmüşdür.