Nəqliyyat, Rabitə və Yüksək Texnologiyalar Nazirliyinə məxsus “AzInTelecom” MMC 2019-cu ili 46 milyon 842 min manat xalis mənfəətlə başa vurub.
Şirkətin maliyyə hesabatınagörə, bu, 2018-ci illə müqayisədə 71,4% və yaxud 3,5 dəfə azdır.
Ötən il “AzInTelecom”un göstərdiyi xidmətlərdən gəlirləri 461 milyon 306 min manat (illik müqayisədə 18,4% çox), xidmətlərinin maya dəyəri 248 milyon 268 min manat (8,9% çox), ümumi və inzibati xərcləri 119 milyon 858 min manat (29,3% çox), debitor borclar üzrə ayırmaları 2 milyon 344 min manat (45,9% az), maddi aktivlərinin dəyərsizləşməsi üzrə zərəri 11 milyon 582 min manat (ötən il ayırmayıb), maliyyə gəlirləri 2 milyon 913 min manat (2,6 dəfə az), maliyyə xərcləri 32 milyon 676 min (19,1% çox), xarici valyutaların mübadiləsindən gəlirləri 19 milyon 270 min manat (68,8% az), kompensasiyalardan gəlirləri 13 milyon 998 min manat (əvvəlki il ayırmayıb), digər gəlirləri 1 milyon 776 min manat (4,6 dəfə çox), digər xərcləri 1 milyon 77 min manat (22,6% az), mənfəət vergisi ödəmələri isə 36 milyon 615 min manat (4 dəfə çox) təşkil edib.
Bu il yanvarın 1-nə “AzInTelecom”un aktivləri 1 milyard  464 milyon 353 min manat olub ki, bu da 1 il əvvələ nisbətən 5,1% azdır. Hesabat dövründə şirkətin öhdəlikləri 1,3% artaraq 710 milyon 563 min manata çatıb, balans kapitalı isə 10,4% azalaarq 753 milyon 789 min manata düşüb.
Xatırladaq ki, AzInTelecom” 2015-ci ildə yaradılıb. Onun nizamnamə kapitalı 8 min manatdır. Şirkətin fəaliyyət istiqamətləri Azərbaycan və xarici ölkələr arasında beynəlxalq səs trafikinin mübadiləsinin təşkili, Azərbaycana idxal olunan telekommunikasiya vasitələrinin sertifikatlaşdırılması və yeni yaradılmış Data Mərkəzi nəzdində "İnfrastruktur Xidmət kimi" (IaaS) əsaslı xidmətlərdən ibarətdir.
“AzInTelecom” “Azercell Telecom” MMC-nin əsas səhmdarıdır.
Report