Bu barədə " Interesting Engineering" məlumat yayıb.

      "Qadınların kişilərdən daha çox danışdığına dair geniş yayılmış bir fikir var. Biz bu iddianın elmi baxımdan nə dərəcədə əsaslı olduğunu yoxlamaq istədik", deyə tədqiqatın həmmüəllifi, Alberta Universitetinin klinik psixologiya üzrə doktorantı Kolin Tidvell bildirib.

      Tədqiqat çərçivəsində dörd ölkədə aparılan 22 fərqli araşdırmadan əldə olunan 630 min səs yazısı təhlil edilib. Ümumilikdə 10-94 yaş aralığında 2197 iştirakçı araşdırmaya cəlb olunub.

     Alimlər qadınların niyə məhz yetkin və orta yaş dövründə kişilərdən daha çox danışdığını dəqiq izah edə bilməsə də, bunun əsas səbəblərindən birinin qayğıkeşlik rolu ola biləcəyini ehtimal edirlər. 

      "Qadınlar adətən ailədə əsas qayğı göstərən şəxs olduqlarına görə, bu illərdə uşaqlarla və digər ailə üzvləri ilə daha çox ünsiyyətdə olurlar", deyə Alberta Universitetinin psixologiya kafedrasının professoru, tədqiqatın baş müəllifi Mattias Mel bildirib.

    Maraqlıdır ki, tədqiqat həm də insanların ümumilikdə daha az danışmağa meyilli olduğunu üzə çıxarıb. Alimlər bunu rəqəmsal kommunikasiyanın artması ilə əlaqələndirirlər. Mesajlaşma və onlayn ünsiyyətin geniş yayılması üzbəüz söhbətləri əvəz etdiyindən, gələcəkdə insanların gündəlik danışıq həcminin azalması ehtimal edilir.