ATIA.AZ  gənc istedadlar barədə növbəti paylaşımına start verdi.
 Bu dəfə biz istedadlı, tanınmış müğənni, Türk Dünyasında böyük coşqu ilə qarşılanan Şahbazov Şahin Əlibala oğlu haqqında danışmaq istəyirik.
Şahbazov Şahin Əlibala oğlu 1973-cü ildə Salyan şəhərində anadan olub. 1980-cı ildə Salyan Şəhər Xurşud kəndində birinci sinfə daxil olub.  1983-cü ildən Bakı Şəhəri Qaraçuxur Qəsəbəsi Səttar Bəhlulzadə adına  9 saylı rəssamlıq təmayüllü internat məktəbinin 3cü sinfinə daxil olaraq,  1990-cı ildə həmin məktəbi bitirən Şahin 1991-ci ildə Azərbaycan Dövlət Mədəniyyət və İncəsənət Universitetinin birinci kursuna daxil olub. 1996-cı ildə “Pedaqoq Təşkilatçı” ixtisası alaraq ali təhsilini başa vurub.  1998-1999-cu illərdə Hərbi Xidmətdə Vətən borcunu yerinə yetirib. 2000-ci ildən  hal-hazıra qədər Salyan şəhər Əlövsət Quliyev adına Mədəniyyət mərkəzində metodist vəzifəsində işləyir. 
Şahin Şahbazov artıq Azərbaycanda və Türk Dünyasında “ Şahin Türksəs” kimi tanınaraq məşhurlaşıb. Hətta ona Azərbaycanın İbrahım Tatlısəsi deyə müraciət edirlər.
 Tanınmış müqənni  həm Ölkəmizdə, həm də digər xarici Dövlətlərdə el şənliklərinə, toylara xüsusi dəvətlər alir.   
İran İslam Respublikasının Ərdəbil şəhərində keçirilən toy məclisinin video görüntüsünü izləyərkən həmyerlimizin necə böyük coşqu, sevinclə qarşılandığının şahidi oluruq.
  Şahin Türksəs Ölkəmizdə fəaliyyət göstərən bir çox televiziya kanallarına tez-tez dəvətlər alır. Müğənninin “Space”, “ANS”, “ATV”, “Xəzər”, Dünya TV”,  “Lider” və “Kəpəz” televiziyalarındakı çıxışları tamaşaçılar tərəfindən sevinc hissləri ilə qarşılanıb.
 ATİA.AZ müğənninin kiçik bir ifasını Sizlərə təqdim edir: