Türkiyənin İzmir şəhərində Nif dağı üzərində əmələ gələn topa-yağış buludları (cumulonimbus) səmada möhtəşəm mənzərə yaradıb. Sakinlər sosial şəbəkədə təbiət hadisəsinin görüntülərini paylaşıblar və heyranlıqlarını vurğulayıblar.
    Qeyd edək ki, bu buludlar bir qədər küləkli və ya sakit havada tək konvektiv hüceyrədən ibarətdirsə, adətən qısamüddətli leysanlara səbəb olur. Atmosferin yuxarı səviyyələrində küləyin bucaqlı dəyişməsi baş verərsə, bu buludların tornado və külək əmələ gətirməsi ehtimalı daha yüksəkdir. Tornadolar yüksək fırlanma gücünə malik kumulonimbus 
buludları altında görünür. Bu tufanlar Koriolis qüvvəsinin təsiri ilə qasırğaya çevrilə bilir.