7 il qalacağı həbsxanaya daxil olanda onun cəmi 18 yaşı var idi. Ailəsi üzülməsin  deyə onlara  onun  Almaniyaya getdiyini deyiblər. Ona görə də həbsxanada onu ziyarət etməyə heç kəs gəlmir.Yeganə təsəllisi həbsxanadakı məhbusları əyləndirmək üçün etdiyi zarafatlar  və müxtəlif oyunlar göstərməsi idi. 

25 yaşı tamam olanda günahsız bilinib və  siyasi düşüncələrinə görə girdiyi həbsxanadan "Bir gün yenə bura gələcəm" deyə çıxır.

Və süzünə əməl də edir. Lakin həbsxanaya məhkum kimi yox,aktyor kimi gəlir.1 il sonra  yaratdığı  “Könüllü teatrçı”  kimi həbsxanalarda teatr tamaşaları  oynamağa başlayır. 

İçəridə gördüyü işgəncələr görə bir daha övlad sahibi ola bilməyəcəkdi.Ona görə  teatr sayəsində qarşılaşdığı məhbusların uşaqlarını övladlığa götürməyi başlayır. Çünki bu uşaqların küçə  və cinayət yönümlü olduğunu anlayırdı. Əvvəlcə o uşaqlara təhsil verməklə işə başladı, sonra onların ehtiyaclarını təmin edib, evlərinə ərzaq aparmağa başladı. Uşaqların sayı artdıqca teatrdan qazandığı pul onların ehtiyacını ödəmədiyini görüb, marketlərdə limon, neylon torba, çay satmağa başlayır. 

Bəli, oxuduğunuz bu kədərli  hekayədə bəhs etdiyimiz şəxs  oynadığı serial və filmlərdən hamımızın tanıdığı aktyor Turqay Tanülküdür.

Ümumilikdə Tanülkü 26 uşağı övladlığa götürüb. Onlardan artıq  11 nəfəri  məktəbi  bitirib.Tanülkü onların  hətta evlə təmin olunmasında da köməyini əsirgəməyib.

8 nəvəsi olan məşhur aktyor Beynəlxalq Xeyirxahlıq Mükafatına  layiq görülüb

Küçələrdə itmək üzrə olan uşaqları tərbiyə edib qaranlıq dünyalarından çıxardığı üçün və ən əsası bunu illərlə reklam materialı kimi istifadə etmədiyi üçün dünyanın  Turqay Tanülkü  kimi insanlara çox ehtiyacı var.