Qazax rayon Xanlıqlar kənd sakini Samir Məmmədli ATİA.AZ-a ünvanladığı müraciətdə Qazax rayon Mərkəzi Xəstəxanasında sağlamlıq haqqında arayışın 15 manata verildiyini bildirir. Vətəndaş qeyd edir ki, xəstəxananın baş həkimi Sevda xanım arayışın 15 manata olduğunu iddia edir və bu barədə rəsmi sənəd də təqdim etməkdən boyun qaçırır. Daxil olan şikayəti təqdim edirik:

"Bu gün  Mərkəzi Xəstəxanaya atamin şəkər dərmanını  almağa getmişdim. Orada əmim oğlu ile görüşdüm. Nə üçün gəldiyini soruşduqda dedi ki, "sağlamlıq kağızı almağa gəlib. Əvvəllər  5 manat verirdik düzəldirdilər, indi qəbz veriblər."  Qəbzdə 15 manat yazılmışdı. Mən də zarafatla dedim ki, bu nədi, yanacağın qalxması sağlamlıq kağızına  da  təsir edib? Dedi ki belədi. Orda bu haqda soruşduqda dedilər get Allahverdi doktor izah edəcək. Sevda doktor yoxdu. Allahverdi doktor ise boynundan atdı ki, bu işə Sevda doktor baxir. Dedik ki, bəs Sevda doktor deyirlər yoxdu, mən kimin yanina gedim, dedi ki, yalan deyirlər Sevda burdadı. Mən təkrar ikinci mərtəbəyə qalxan pilləkandanda dayanan hemin tibb işçisinə iradımı bildirdim ki, niyə yalan danışırsan,  Sevda doktor axi burdadı, məni niyə tərs göndərdin. Və başladım yuxarı qalxmağa. Bu zaman polis işçisi yaxınlaşdi. Nə problem olduqunu soruşdu ve mənimlə Sevda doktorun otağının yanına gəldik. Orda növbə olduğu üçün gözləyəsi oldum. Bu vaxt  özünü xəstəxananın hüquqşünası kimi təqdim edən bir şəxs yaxınlaşdı  və biz bir az mubahisə etdik.. Dedi ki, bizdən asilı olmayan səbəblərdən qiymət qalxıb. Mən də iradımı bildirdim ki, Dövlət mənim əmək haqqımdan sığorta pulu çıxırsa  onda sağlamlıq kağızına  bu boyda rüsum nəyə  görə yazmalıdır. Sonradan Sevda doktorun yanına caqırdılar. Sevda doktor da kiməsə zəng edib mikrofonda mənə qulaq asdırmağa başladı. Mən  yenə iradımı bildirdim ki, mənə rəsmi kaqız göstərin  ki, sağlamlıq kağızının rüsumu bu qədərdir. O da cavabında dedi ki, mən sənə heç nə göstərəsi  deyiləm... Bir sözlə, onun sözündən belə cıxdı ki,  burda mənəm Bağdadda kor xəlifə, get əlindən nə gəlir onu da et.."

Bəlkə də yeni rüsumda doğrudan da belədir, sağlamlıq haqqında arayış üçün 15 manat ödəmək lazımdır? Bu barədə isə əlaqədar qurumlar məlumat verərlər.