2014-cü ildə Bakının Xəzər rayonunda törədilmiş qətlə görə 3 oğlu həbs edilən Vahid Qədəşov vəfat edib.
     Övladları ümumilikdə 48 il azadlıqdan məhrum edilən V.Qədəşov yaşadığı Mərdəkan qəsəbəsində dünyasını dəyişib.
     Məlumata görə, 2014-cü ildə V.Qədəşovun 20-25 yaşlı övladları dayısı arvadı olan Ülkər Abdullayevanın evinə hücum edərək onu öldürüb, ərinə isə ağır xəsarət yetiriblər.
     Belə ki, V.Qədəşovun qızı dayısı oğlu ilə evli olub, lakin ailədaxili münaqişədən sonra küsərək atası evinə qayıdıb. Bundan əsəbiləşən qızın qardaşları dayılarına məxsus evə gedərək dəhşətli cinayət törədiblər. Onlardan ikisinə 19, birinə isə 10 il həbs cəzası təyin edilib.

Turqut Seyidov