Bir qrup həkimə maaşlarının yarımçıq verilməsi onlarda narazılıq yaradıb.
ATIA.AZ  xəbər verir ki, cənub bölgəsində müxtəlif xəstəxanalarda çalışan həkimlər onların maaşlarından 100 manat kəsilməsindən şikayət edirlər. Həkimlər bildirirlər ki, həmin 100 manatı məhz TƏBİB həkimlərin maaşından kəsib. Belə ki, onlara verilən əməkhaqqı zamanı kəsilən pulun TƏBİB tərəfindən tutulduğu deyilib.
Məsələ ilə bağlı TƏBİB-lə əlaqə saxlanılıb. Qurumun İctimaiyyətlə əlaqələr və marketinq şöbəsinin əməkdaşı Elnarə Baxış bildirib ki, maliyyə məsələsi onların məşğul olduğu işə aid deyil:
“TƏBİB maaş vermir, TƏBİB xəstəxanalarda müalicə işi ilə məşğuldur. Maliyyə işi ilə bağlı isə aidiyyatı qurumlara müraciət edin”.